Të shtunën në Lagjen e Trimave në Kumanovë, rreth orës 21:20, një zë burri bërtet fort me megafon. Pas kësaj, rinisin të shtënat dhe detonimet - tymi sërish del nga shtëpitë e bombarduara.
“Ne nuk do të dorëzohemi, mos u dorëzoni”, bënte thirrje burri përmes megafonit. Këtë zhvillim të shtunën në mbrëmje e raportuan të dërguarit e Indeksonline nga vendi i ngjarjes.
Personi që bëri këtë thirrje është pikërisht Beg Rizaj, njëri nga udhëheqësit e grupit të armatosur që për më shumë se 30 orë u përlesh me forcat maqedonase.
Begu bashkë me Mirsad Ndrecaj deri në këto momente rezultojnë të zhdukur, por ka zëra se edhe ata të dy janë në mesin e 14 të vrarëve nga grupi i armatosur.
Post a Comment